ابو ذيات جميلة

ابو ذيات جميلة

منو النكر عهده من عهد من
انهدم كلبك وكلبي من عهد من
عشكنا تعرف شوكت ومن عهد من
قبل الاسلام هسه تخون بيـه

يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه

الهجر يكتل يصاحب وانت داري
عليك يخاف كلبي وانت داري
انت اهلي وعمامي وانت داري
انت امــي وابـوي واخ اليه

حبيبي اغيابه كلش دمراني
الحلك جكليت يمكن دمه راني
اطبكت شفتي اعله شفته دمراني
عسل حلقوم شو تاهت عليه

طبع البينة نهوى من هوانة
ولو ضاق النفس ننطي من هوانة
شفت اوصاف تعرف منهو انة
انة عراقي وهويتي سومرية

شي مرتاح نومـه هني شي فاز
وشي خسران بالحب ولك شي فاز
اريد اشـرب بهجرك بطل شيفاز
واخلي اهل العـرگ تحتار بيه

حبيبي الشوق لا تكطع وصالة
الك بكلبي كم غرفة وصالة
نجوى تروح الك فدوة واصالة
ووياهن لطيفة التونسية

وحك من خالق السبعة بسته
روحي ماتحب غيرك بس انته
خدك بالحلم يسمر بسته
وتطاير ورد من خدك علية

احبك من تصل لية واصل ليك
واكطع كلبي بفراكك وصل ليك
احسك ركعة كل ساعة اصليك
واصيح الله واكبر حن علية

لغيرك رام كلبي ابد مخزن
ولك عشك بوسط هالروح مخزن
اذا حبيت غيرك هاك مخزن
ابو ثلاثين طلقه وفرغه بية

مر مرة حبيبي ومرة دانه
اخذ يسحك بكلبي ومردانه
غديت اخلع قميصي من ردانه
لان بس الجلد والعظم بيه

انا العطشان منك مي اتاني
مثل صبري بغيابك من يتاني
تكلي شلون صحتك ميت اني
لان فركاك هو العم عليه

يبو طول الحلو والعسل:: شفتك
غرامك شبكاني وبعد :: شفتك
طحت وسودنت من يوم :: شفتك
وكمت ازحف زحف بثنين ادية

تحياتي

الشعر منقول من عدة مواقع وهو من تجميعي

---

hf, `dhj [ldgm hf,K`dhjK[ldgm

رئيس الدوله شاعر لو يصحله يصير
لأن شاهد بعينه وعاين الحاله
تمثال الرئيس انداس بالرجلين
والشاعر بقه وماطاح تمثاله


شكرا الك حبي أمـــيـــر الـــعــــراقـــــي على الومضات الجميله وننتظر المجوعات الجديده منك.

تقبل مروري

انا العطشان منك مي اتاني
مثل صبري بغيابك من يتاني
تكلي شلون صحتك ميت اني
لان فركاك هو العم عليه


عاشت الايادي امير عالدارميات الرائعه كروعتك
تسلم يالغالي

مشكووور حبي مسافر على مرورك

فخر لي ولقلمي دخلولك صفحتي

دمت بالف خير

روحي من الدنيا
كالنسمة كان مرورك
وسطوعك على أحرفي
تواجدك الرقيق العطر هنا هو اشراقة على حروفى
امتنان وشكر لروحك الطيبة
دائما رفرفي بالجوار
دُمتي بالف خير
تقبلي ودي وتقديري

تسلم امير العراقي على الابوذيات الروعه

احبك حيل احبك وانت داري
وصار اسنين امصحلك وداري
صدك كال جبت فيشه وتاري
ابلي 2
ومفتح قاعه امورك عدله
مشكور على ما نقلت ورتبت

كلمات رووعه من صاحب اروووع

التميز ليس بغريب عليك

رـآـآـآق لي طرحك يالغلا

ماننحرم منك

تحيـآـآـآتيََ

تواجدكم أروع وردكم هو أجمل
كثير من الاعتزاز ينحني خجلاً وتشرفا ً بمروركم
فكلكم كرم وذوق
تحياتي

تواجدكم أروع وردكم هو أجمل
كثير من الاعتزاز ينحني خجلاً وتشرفا ً بمروركم
فكلكم كرم وذوق
تحياتي